Иако многу земји се префрлаат исклучиво на методи на плаќање преку интернет, Шведска планира да овозможи офлајн плаќања со картички до средината на 2026 година.
Како што објави Шведската централна банка (Риксбанк), постигнат е договор со давателите на услуги за плаќање за да се овозможи користење на физички картички и ПИН кодови дури и без интернет конекција.
Целта е да се обезбеди можност за купување основни работи како што се храна и лекови дури и во случај на прекин на комуникацијата - што е дел од пошироката стратегија за зајакнување на отпорноста на кризи и вонредни ситуации.
Гувернерот на Риксбанк, Ерик Тедин, го оцени овој потег како „важна пресвртница“ во подготовките за можни безбедносни закани.
Со оглед на растечката загриженост за потенцијална саботажа во дигиталната инфраструктура, слични чекори најавија Финска, Норвешка, Данска и Естонија.
Компанијата Виза наведува дека офлајн плаќањата во други европски земји се покажале како ефикасни дури и во случај на големи прекини на интернет.
© Vecer.mk, правата за текстот се на редакцијата
