Движењата на акциите на швајцарските производители на чоколадо од почетокот на годината покажуваат спротивен тренд, бидејќи акциите на Линдт и Спрингли пораснаа за 29 проценти во 2025 година.
Додека акциите на компанијата „Бари Калбо“ паднаа за ист износ, според објавената анализа.
„Линдт“, позната по луксузните брендови како што се пралините „Линдор“, успешно ги префрли зголемените цени на суровините на потрошувачите, меѓу другото, со лансирање атрактивни производи инспирирани од „дубаиското чоколадо“.
Спротивно на тоа, „Бари Калбо“, кој снабдува гиганти како „Нестле“ и „Херши“, се соочува со пад на нарачките и намалување на маржите, бидејќи неговите клиенти го намалуваат уделот на чоколадо во своите производи додека чекаат пазарот да се стабилизира.
„Бари Калбо“ се бори со слабата побарувачка, а во исто време нема многу можности да ги одредува цените, коментираше аналитичарот на „Блумберг“, Игнасио Каналс Поло.
Од друга страна, Линдт ја користи својата премиум позиција и зема пазарен удел од конкуренти како Монделез.
Какаото станува поскапо, што влијае на двајцата производители. Линдт најавува нови двоцифрени зголемувања на цените во текот на целата година, а Бери Калбо има проблеми со продавачите на оваа суровина од Западна Африка кои ја намалуваат продажбата за следната сезона бидејќи очекуваат понатамошно зголемување на цената.
Бери Калбо, под водство на извршниот директор Питер Фелд, кој ја презеде функцијата во април 2023 година, бележи негативен годишен принос од 30 проценти, додека неговите конкуренти бележат просечен раст од 14 проценти, објави „Блумберг“.
© Vecer.mk, правата за текстот се на редакцијата
