Администрацијата на американскиот претседател планира да укине клучен наод на EPA за емисиите - проследен со промена на правилото за автомобилската индустрија.
Администрацијата на Доналд Трамп планира да укине клучен научен наод од 2009 година, врз основа на кој Агенцијата за заштита на животната средина на САД (EPA) ги регулираше емисиите на стакленички гасови од возилата.
Со овој потег, EPA би ја изгубила законската основа за пропишување стандарди за емисии за автомобили, што би им овозможило на производителите да прават и продаваат возила без да мора да мерат и да пријавуваат емисии.
Властите велат дека укинувањето на регулативата би можело да донесе повеќе од еден трилион долари намалување на регулаторните трошоци и да ја намали просечната цена на новите автомобили за околу 2.400 долари, додека критичарите предупредуваат дека одлуката би можела да има негативни последици за здравјето на луѓето и животната средина.
Демократите реагираа остро, велејќи дека тоа е отстапка кон индустријата за фосилни горива.
Исто така, Тесла претходно предупреди дека укинувањето на овој наод би можело да ја загрози стабилноста на регулаторната рамка и да го намали изборот на возила за клиентите, со потенцијални негативни економски и здравствени последици.
© Vecer.mk, правата за текстот се на редакцијата
