Милојко Спајиќ е роден 1987 година во Плевља. По завршувањето на средното образование, Милојко, како стипендист на јапонската влада, преку петгодишната програма за стипендии Монбукагакушо, ја завршил првата година од студиите на Универзитетот во Осака, а потоа дипломирал на редовни четиригодишни студии по Економетрија и квантитативна економија на Факултетот за економски науки при Универзитетот Саитама, стои во официјалната биографија на новиот премиер на Црна Гора.
Како дел од размената, тој поминал и еден семестар на најдобриот кинески технички универзитет Цингхуа. Магистрирал, исто така, како стипендист во Франција во ХЕЦ Париз, кое е прво училиште во Европа за финансии според престижниот британски Фајненшл Тајмс.
После тоа, тој го основал својот старт-ап, и работешел во Токио и Сингапур, во глобалната банкарска групација Голдман Сакс, но бил и партнер на фондот Venture Capital во Сингапур.
Тој е припадник на Српската православна црква.
Долго време бил во вонбрачна врска која во Женева ја родила нивната ќерка, која исто така се школувала во странство.
Зборува шест светски јазици, а како непартиска личност беше член на советничкиот тим на Здравко Кривокапиќ, носителот на изборната листа „За иднината на Црна Гора“ и мандатот за состав на Влада.
Љубовниот живот на Мики Спајиќ
Премиерот Спајиќ, поранешниот министер за финансии во владата на Здравко Кривокапиќ, со чија ќерка тогаш излегуваше, претходно стана хит на социјалните мрежи и тоа поради - љубовта! За да се оправда дека не е националист, пред ТВ камерите го откри својот љубовен живот.
- Мојата девојка беше Французинка, претходно индонезиска муслиманка, претходно јапонска будистка, пред тоа кинеска комунистка. Не можам да замислам контекст во кој би можел да се идентификувам со какви било радикални националистички ставови - изјави тогаш Спајиќ.
Спајиќ, кој потекнува од Пљевље, во неколку наврати беше критикуван од неговите политички противници за неговите ставови во однос на СПЦ, за која смета дека е институција која постои во Црна Гора со векови и на која граѓаните најмногу и веруваат.
Тој ја презеде функцијата министер за финансии и социјална заштита во декември 2020 година по парламентарните избори. Милојко Спајиќ е непартиска личност во Владата на Црна Гора, според неговата официјална биографија, додавајќи дека зборува шест светски јазици.
А кога станува збор за неофицијалното, можете да дознаете многу повеќе, најмногу од неговиот Инстаграм профил.
Од таа мрежа може да се дознае и дека тој има брат во Лос Анџелес.
Зошто се врати во Црна Гора?
Спајиќ изјави дека има повеќе причини за неговото враќање во Црна Гора, но дека главната е донесувањето на контроверзниот Закон за слобода на вероисповед и дека овој закон покажува колку проблеми се насобрале во црногорскиот систем. Тој додаде дека додека не се подобри ситуацијата, нема да се „мрдне“ од Црна Гора и дека ниту еден инвеститор нема да верува во земја која со промена на законот дава моќ на институција како што е СПЦ, која постои осум века. а му веруваат мнозинството граѓани на Црна Гора.се обидува да заплени имот. За време на кризата, тој учествуваше во лобирање во САД за поддршка на СПЦ и на српскиот народ во Црна Гора, може да се прочита на Википедија.
Претседателот на Црна Гора, Јаков Милатовиќ, тој го смета за пријател со кој заедно поминале многу километри низ Црна Гора.
© Vecer.mk, правата за текстот се на редакцијата
