„Најголемата вредност на Србија е нејзиниот народ. Затоа мора да разговараме, да водиме дијалог. Обединети, можеме се“, рече Вучиќ на Инстаграм профилот со видео од граѓани на митинзи против блокадите.
Низ градови во Србија синоќа се одржаа собири на граѓани кои се спротивставуваат на блокадите, од кои беше порачано дека блокадите го попречуваат секојдневното функционирање и дека граѓаните сакаат нормален живот.
Од собирите беше кажано дека блокадите го попречуваат секојдневното функционирање и дека граѓаните сакаат нормален живот - слободно да се движат, да работат и да учат, а поддршка му беше дадена и на претседателот на Србија.
Собраните носеа транспаренти со натписи: „Граѓани против блокади“, „Правда, слобода, мир“, „Нема да ја дадеме Србија!“, „Ја сакам назад мојата Србија“ и „Сакам нормален живот“. На собирите беа присутни и премиерот Ѓуро Мацут и министри од Владата на Србија.
Директорот на српската полиција Драган Васиљевиќ изјави дека на собирите „Граѓани против блокади“ на 95 места во Србија, имало нешто повеќе од 100.000 луѓе.
„Уште еднаш нагласувам дека денешните јавни собири поминале добро, дека собирите се одржаа на 95 локации низ цела Србија и дека имаше 104.000 луѓе“, рече Васиљевиќ на синоќешната прес-конференција. Тој додаде дека организатори биле од „Центар за социјална стабилност“.
© Vecer.mk, правата за текстот се на редакцијата
