Маж на 37-годишна возраст, познат како водечки навивач на Партизан во Нови Сад, беше убиен во вторникот навечер на Детелинара.
Навивачките страници на социјалните мрежи објавија фотографии во негова чест и се простија од него, нагласувајќи дека тој бил една од најзначајните фигури меѓу 'гробарите' во Нови Сад.
На споделените фотографии се гледа како загинатиот предводи навивачка група на стадион.
Од Полициската управа во Нови Сад сè уште нема официјален коментар за трагичниот настан.
Според неофицијални информации, настанот започнал со расправија помеѓу жртвата и уште еден маж додека седеле во градината на кафе-бар.
По вербалната расправија дошло и до физички конфликт, при што 37-годишниот бил смртоносно прободен.
Екипата на Итна помош бргу пристигнала, но можела само да ја констатира смртта на лице место.
Според извештаите на медиумите, убиениот од порано бил познат на полицијата и претходно бил цел на напади.
Извор: 021.rs
© Vecer.mk, правата за текстот се на редакцијата
