Утре во Србија е Ден на жалост по повод годишнината од трагедијата во Нови Сад

Владата на Србија донесе Одлука со која утрешниот ден, 1 ноември, се прогласува за Ден на жалост по повод годишнината од смртта и страдањето на граѓаните поради уривањето на настрешницата на Железничката станица во Нови Сад.

„Законот за одбележување на Денот на жалост на територијата на Република Србија ги регулира условите и начинот на одбележување на Денот на жалост на територијата на Република Србија, обврските на државните органи и организации, органите на територијална автономија и локална самоуправа, јавните установи и јавните претпријатија што ги основаат, организациите на кои со закон им е доверено извршување на задачи на државната администрација како административни органи, обврските на другите правни и физички лица, како и санкциите за непочитување на утврдените обврски во врска со одбележувањето на Денот на жалост“, се наведува во Одлуката на Владата.

Како што објави Владата, Денот на жалост започнува на полноќ на денот определен за Ден на жалост, а завршува во 24:00 часот на денот определен за последен ден од Денот на жалост.