Во новосадската населба Детелинара, нешто после 23 часот, според неофицијални информации, се случи убиство пред едно угостителско локалче. Жртвата, според првите наводи, е маж.
Инцидентот се одиграл на аголот меѓу улиците Јанка Чмелика и Хаџи Рувимова, дел што беше привремено затворен за сообраќај.
Неофицијално, жртвата и осомничениот претходно заедно седеле во кафулето, кадешто најпрвин започнал вербален конфликт, кој потоа преминал во физичка пресметка, а на крајот завршил со едно убиство.
Како што дознава српскиот медиум „Блиц“, мажот Д.М. починал на лице место од здобиените убодни рани. Најверојатно, кавгата се случила поради стари нерасчистени сметки, а и жртвата и осомничениот се доведуваат во врска со навивачки групи.
Извор: Nova.rs
© Vecer.mk, правата за текстот се на редакцијата
