Наскоро ќе се навршат 10 години од смртта на Јованка Броз, која почина на 20 октомври 2013 година во Белград на 89-годишна возраст, а нејзиниот живот го одбележа љубовта кон Јосип Броз Тито. Покојната прва дама на Југославија еднаш раскажа како маршалот ја прашал да му стане сопруга.
Отпрвин имале строго деловен однос, но набрзо се развила љубов меѓу нив и парот тајно се венчал во април 1953 година, кога таа имала 28, а тој 60 години.
Јосип Броз Тито на прекрасен начин ја запросил Јованка. Тој истакнал дека неговиот живот е полн со проблеми, но дека е надева оти ќе најде мир со неа.
- Животот ми беше тежок, исполнет со стрес, лични загуби, секакви несреќи и чувствувам дека со тебе конечно ќе имам мир и среќа, ова се зборовите со кои ја замолил Јованка да му стане сопруга.
Д-р Александар Матуновиќ, поранешниот личен лекар на покојниот претседател на Југославија, во својата книга „Јованка Броз, совладетелката на Тито“ ја забележал својата исповед за тоа како се чувствувала откако Броз ја запросил.
- Непотребно е да се каже колку бев изненадена и збунета. Па, јас бев девојка од средна класа со патријархални ставови! За мене разликата во години ја отфрли помислата за таква врска. Покрај тоа, бев - нема да биде нескромно да се каже - со допадлив изглед и имав неколку додворувачи, рекла Јованка.
Иако биле заедно пет години кога тој ја запросил, таа била изненадена. На почетокот и пречела повеќе од тридецениската разлика во годините, но подоцна се помирила со неа, признала таа.
- Разликата во години беше голема, но јас не ја почувствував. Тито беше полн со енергија, витален, искрена била Јованка.
