Според се уште нецелосно пребројаните резултати на албанската Централната изборна комисија, социјалистите во чија коалиција е партијата на Македонците во Албанија, Македонска алијанса за европска интеграција, освоила 52,5 проценти од гласовите, односно 83 пратенички мандати во 140-члениот парламент.
Зад нив, со 34,5 проценти е коалцијата предводена од Демократската партија на Сали Бериша, која освојува 51 пратеничко место. Рама, која според резултатите самостојно ќе може да формира влада, во предизборната кампања фокусот го стави на забрзување на членството во Европската унија, со амбиција Албанија преговорите да ги заврши за две години.
© Vecer.mk, правата за текстот се на редакцијата
