Познатиот режисер Михајло Миша Вукобратовиќ почина вчера на 73-годишна возраст во болницата КБЦ Земун, соопштија белградските медиуми.
Вукобратовиќ е роден во Белград во 1952 година. Завршил Факултет за драмски уметности во Белград, каде што дипломирал на отсекот за филмска и телевизиска режија.
Тој остави голема трага во историјата на српската телевизија, режирајќи некои од најгледаните и најпознати серии: „Није лако с мушкарцима“, „Отворена врата“, „Бољи живот“, „Бела лађа“, „Породично благо“, „Полицајац са Петловог брда“, „Стижу долари“, „Јунаци нашег доба“, „Истине и лажи“, „Игра судбине“.
Дванаесет години бил директор на Позориште на Теразијама, каде што на сцената беа поставени култните мјузикли „Чикаго“ и „Зона Замфирова“.
Вукобратовиќ беше примен во болница на 28 јуни, откако падна за време на снимање на серија. Според информациите, тогаш добил сериозни повреди на главата и кичмата.
Информацијата за неговата смрт ја пренесоа повеќе портали.
© Vecer.mk, правата за текстот се на редакцијата
