Последните денови, некои граѓани на Нови Сад кои се корисници на услугите на ЈКП „Паркинг сервис“ добиваат СМС пораки од непознат испраќач кој лажно се претставува во името на ова јавно претпријатие. Пораките се појавуваат како да се испратени од скратениот број 8212 преку кој се плаќаат услуги за паркирање во сината зона.
Во сомнителната порака стои текст: „Полициcко известување: имате неплатена сообраќајна казна од 114,16 динари“. На крајот од пораката е вклучен и сомнителен линк за кој граѓаните се предупредуваат да не го отворат, бидејќи може да биде средство за измама или злоупотреба на лични податоци.
Од Паркинг сервис Нови Сад соопштуваат дека тие не се испраќачи на овие пораки и дека единствените пораки кои ги испраќаат кон своите корисници од нивните скратени броеви содржат само информации и одговори во врска со наплата на паркинг, и тоа секогаш како повратен одговор на барање од страна на корисникот.
Компанијата дополнително истакнува дека Министерството за внатрешни работи – Одделението за високотехнолошки криминал е веќе информирано за случајот.
Извор: Moj Novi Sad
© Vecer.mk, правата за текстот се на редакцијата
