За време на средбата, двете страни направија детален преглед на претходно договорените мерки за градење доверба за 2025 година и разговараа за рамката за нивна примена во 2026 година, соопштија од грчкото Министерство за национална одбрана за новиот круг разговори за мерките за градење доверба меѓу Грција и Турција, јави дописничката на МИА од Атина.
Средбата на двете делегации се одржа во Измир, домаќин беше Министерството за одбрана на Турција, а разговорите поминале во позитивна клима, додека пак следниот круг ќе биде во Грција.
Грчката делегација ја предводи амбасадорот Теохарис Лалакос, турската заменик-министерот за надворешни работи Мехмет Кемал Бозај, а делегациите ги сочинуваат амбасадори, високи воени офицери и други функционери од Грција и Турција.
Претходната средба за мерките за градење доверба се одржа на крајот на април годинава во Солун.
© Vecer.mk, правата за текстот се на редакцијата
