Агенцијата за спречување на корупцијата ја објави новата имотна карта на Александар Вучиќ, единствена новина е неговата плата која по покачувањето е значително повисока.
Во имотната карта на претседателот на Србија, која е ажурирана на 11 мај годинава, стои дека неговата месечна плата како шеф на државата сега изнесува 200.962 динари. Според ваквите информации, првпат платата на претседателот надминува 200.000 динари.
Од Кабинетот на претседателот на Србија претходно за порталот Данас изјавија дека платата на претседателот, по покачувањето од јануари годинава, изнесува 199.126,45 динари, а новата сума ќе биде објавена на веб-страницата на Агенцијата кога имотот ќе биде регистриран во 2023 година. а за кои рокот е 1 мај.
Вучиќ на таа позиција претходно заработил 176.545 динари, што значи дека платата му е зголемена за 24.417 динари или 11,3 отсто. Според податоците од имотната книшка, Вучиќ кога ја презеде функцијата претседател на Републиката во 2017 година земал плата од 128.177 динари.
Според податоците на Агенцијата, објавени јавно на нивната веб-страница, претседателот од 2021 година до мај минатата година имал приход од 165.732 динари.
Претходно неговата плата била 157.262 динари во 2020 година, а една година претходно 135.586 динари.
Во почетокот, односно во 2017 година, приходите на претседателот биле 128.177 динари.
© Vecer.mk, правата за текстот се на редакцијата
