Началничката на МУП Смедерево, Весела Миловановиќ, се појавила на една локална телевизија, во свечена униформа, а многумина забележале дека таа ги измешала знамињата и чиновите на униформата, па се чинело дека работи за руската полиција.
Полицискиот синдикат „Слога Гроцка“ забележал дека деталите на униформата не се правилно наредени, па на својата Фејсбук-страница го објавиле следново:
„Претходната недела на Телевизија Смедерево, во свечена униформа гостуваше началничката на полициската управа во Смедерево, Весела Миловановиќ. Темите на емисијата беа сериските убиства во Србија и разоружувањето на српските граѓани. Она што им падна во очи на гледачи на емисијата беше елементарното непознавање на Правилникот за униформи, ознаки и опрема на полициски службеници што го покажа началничката.
Началничката морала да знае кој е редоследот на бои на српското знаме и како да ги стави еполетите на рамениците. Во овој случај, гледачите можеа да видат дека чиновите се наопаку, како и знамето на Србија, па личеше на знамето на Руската Федерација.
Со ваквото однесување началничката на полициската управа Смедерево направила полесна повреда на службената должност пропишана со член 206 став 1 точка 5 од Законот за полиција.“
Фотографиите брзо се раширија на социјалните мрежи.
© Vecer.mk, правата за текстот се на редакцијата
