Ако сте носталгични за времето од кое исчезнаа многу работи што беа препознатливи, бидете сигурни дека сè уште има некаква трага и нешто што може да ве врати во тоа време. Познатиот Син воз, кој се сметал за еден од најлуксузните возови во светот и со кој тогашниот југословенски претседател Јосип Броз Тито превезувал многу делегации, денес е вреден експонат и се наоѓа недалеку од центарот на белград, на Топчидер.
Меѓу важните гости на тогашниот претседател кои имале чест да се возат во него, како што се Насер, Ганди, Брежњев, Хрушчов, била и британската кралица Елизабета. Возот за кој некогаш се шепотело е воз кој привлече големо внимание и од домашната и од странската јавност. Четирите спални соби од овој воз одат кон Бар секоја вечер за сите оние кои сакаат да го почувствуваат луксузот на тоа време.
Тогашниот претседател го добил возот во 1960 година, и заедно поминале 600.000 километри. Во една објава на Инстаграм Александра Миката од Белградската туристичка организација, наведува дека синиот воз бил користен за превоз на Тито од Љубљана на неговото последно патување во Белград, а познатиот воз го користел и кралот Александар, кој со него се вратил од Марсеј во Белград.
Вагоните на Синиот воз биле направени во „Гоша“ во Смедеревска Паланка, а биле купени и седум локомотиви. Композицијата се состоела од: еден вагон кој бил кујна, ВИП салон, потоа два вагона биле наменети за ресторан, а четири ги превезувале автомобилите на Тито, додека другите шест биле салони.
Возот превезувал 60 државници од други земји.
Депото на Топчидер има големо историско значење бидејќи е изградено пред малку повеќе од 100 години, поточно во 1921 година. На нацистите им служело како сервис за Балканот, а затворениците изградиле и други соби за занаетчии.
До депото се наоѓа единствениот вагон од Синиот воз на кралот Александар, кој исто така ќе биде реконструиран.
© Vecer.mk, правата за текстот се на редакцијата
