Поранешниот министер за градежништво, сообраќај и инфраструктура, Горан Весиќ, мораше да биде итно повторно опериран во текот на ноќта поради ненадејно влошување на неговата здравствена состојба, изјави неговиот брат Зоран Весиќ.
Поради постоперативни компликации, здравствената состојба на мојот брат Горан нагло се влоши, поради што беше извршена итна реоперација во текот на ноќта. Во моментов е во стабилна состојба и сместен е на одделение за интензивна нега. Сите информации за неговото здравје ќе ги споделува само семејството.
Да потсетиме, Весиќ на 31 јули беше примен во хируршка болница поради силни болки во стомакот, покачена температура и повраќање, како и општа малаксаност и дехидратација. Веднаш беше подложен на операција, извести Euronews.rs.
По неколку дена поминати во болница, пред три дена јавноста беше информирана дека на Весиќ и на Томислав Момировиќ, кои беа уапсени во рамки на финансиска истрага за реконструкцијата на Железничката станица и пругата, притворот им беше заменет со поблага мерка – домашен притвор, пренесе Nova.rs.
(Извор: N1)
© Vecer.mk, правата за текстот се на редакцијата
