Исплатата е извршена врз основа на барањето на Бугарија од јули годинава за доделување на 653 милиони евра во рамките на РРФ, кој е главен дел на програмата за поддршка „Следна Генерација ЕУ“. Исплатите на средства за земјите членки на ЕУ во рамките на РРФ се условени со спроведување на одредени обврски и цели.
За овозможување на исплата на средства преку овој Механизам, Бугарија треба да исполни 59 обврски и цели, меѓу кои и 28 реформи и 12 инвестициски проекти, кои вклучуваат мерки за подобрување на образованието, зајакнување на правосудството и на системите за јавни набавки, зголемување на транспарентност, заштита на „свиркачите“, либерализација на пазарот на електрична енергија, справување со енергетската сиромаштија и развој на капацитети за складирање на енергија.
Според оценката на Комисијата, за целосна доисплата на втората транша Бугарија треба да ја спроведе реформата на Комисијата за борба против корупцијата и конфискацијата на илегално стекната имот.
Во рамки на Механизмот за закрепнување и отпорност на ЕУ за Бугарија се предвидени 6,17 милијарди евра грантови. Досега на Софија и се исплатени 29,5 отсто од предвидените средства, а за возврат земјата спровела 38,2 проценти од предвидените обврски и цели.
© Vecer.mk, правата за текстот се на редакцијата
