Централната изборна комисија на Босна и Херцеговина (ЦИК БиХ) едногласно донесе одлука за одземање на мандатот на претседателот на Република Српска, Милорад Додик, врз основа на потврдената пресуда на Судот на БиХ.
Членот на ЦИК, Суад Арнаутовиќ, појасни дека оваа одлука сѐ уште не е конечна и ќе влезе во сила дури по истекот на рокот за жалба.
Постапката може да се одолговлечи еден до два месеци поради административни процедури, а веднаш по потврда од Апелациониот суд, доколку таа одлука остане, се очекува да бидат распишани предвремени избори во рок од 90 дена.
На ваквата постапка бурно реагираше Милорад Додик, претседателот на Република Српска, кој преку платформата Х напиша:
Неколку минути подоцна, тој објави нова порака, овој пат со помирлив тон:
Одлуката за престанок на мандатот е сѐ уште не конечна и Додик има право на жалба.
Ова следи по потврдата од страна на Апелациониот совет на Судот на БиХ, според која Милорад Додик беше осуден на една година затвор и шест години забрана за политичко ангажирање.
Извор: N1
© Vecer.mk, правата за текстот се на редакцијата
