Девет станбени згради оштетени за време на земјотресот се урнати со експлозив во турскиот град Малатија.
За уривање на 15-катниот солитер биле употребени 1.660 килограми експлозив во 30.000 капсули. Пред тоа спроведени се сите неопходни безбедносни мерки.
На видеата се гледа како солитерите, тешко оштетени и евакуирани по земјотресот на 6 февруари, паднале за неколку секунди по експлозијата.
Зградите паѓаат една по друга, а потоа голем облак чад се издигна над целата област.
https://youtu.be/BZbGnagZ0-s
Да потсетиме, силните земјотреси го уништија југоисточниот дел на земјата во февруари, убивајќи повеќе од 50.000 луѓе, додека штетата била проценета на повеќе од 100 милијарди долари, според Ројтерс.
Земјотрес со јачина од 7,8 степени според Рихтеровата скала ја погоди централна Турција и северозападна Сирија. Според USGS, катастрофалниот земјотрес се случил во 4:17 часот по локално време на длабочина од приближно 17,9 километри.
https://youtu.be/uwCjtA1hJ60
Земјотресот бил почувствуван и на Кипар и Либан.
© Vecer.mk, правата за текстот се на редакцијата
