Благодарам ако го отворат Кластерот 3, благодарам дури и ако не го отворат, важно е да продолжиме да се бориме и да разговараме со сите нив, изјави претседателот Александар Вучиќ за РТС за недостигот на договор од членките на ЕУ за отворање нови поглавја во преговори со Србија.
Амбасадорите на земјите членки на ЕУ вчера не дадоа зелено светло за отворање на Кластерот 3, а претседателот вели дека Унгарија ќе закаже нова средба за следната недела и дека во тоа нема сомнеж.
На вчерашната седница против беа осум земји, три балтички земји, Шведска, Финска и Холандија, како и Хрватска и Бугарија.
„Да ме прашаше Господ што им згрешивме на Бугарите, немаше да знам како да ви кажам и објаснам. Изгледа разбирам кои се вистинските причини, иако никогаш нема да ги слушнете. И јас разбирам се за Хрватите, немам голем проблем да го разберам. А за нас има две важни вести да продолжиме да се бориме и да разговараме со сите нив“, вели претседателот.
Исклучително позитивно е, посочува, што Германија е апсолутно за отворање на кластерот три, додека Франција и Италија беа и остануваат за тоа.
„Им благодариме ако ни го отворат тој кластер три. Благодарам дури и ако не се отворат. Воопшто нема проблем. Следната година ќе се стремиме да бидеме најбрзо растечка економија во цела Европа“, рече претседателот.
© Vecer.mk, правата за текстот се на редакцијата
