Југославија, земја на еднаквоста. За генерациите што израснале во таа земја, сеќавањето на неа значи - единство, другарство, соседска хармонија... За генерациите кои се родени во 2000-тите и кои за Југославија учат во книги и слушаат по некој збор од нивните баби и дедовци, Југославија е еднаква на сиромаштија и немаштија.
Меѓутоа, во тоа време не се гледаше така. На соседите не им пречеше оној кој има, барем не многу. Додека повеќето беа во можност да стекнат.
При посета на пријатели, кумови, роднини - гостите секогаш беа во позиција домаќинот да се пофали со нов мебел, аголна гарнитура, грамофон, нов шпорет... И сите радосно го шетаа новиот стан што го обезбедила државата и гласно ги фалеа убаво уредените соби, со нивните хеклани миленца.
1. Машина за перење
Во Југославија жените најчесто ги вареле алиштата во големо тенџере на шпоретот, а потоа ги переле во бањата, наведнати над кадата. Кога се појави првата машина за перење, таа се здоби со голема популарност. Оние домаќинки кои ја имаа во своите домови гордо ја нарекуваа „моја пријателка“, бидејќи не можеа да замислат поголема или покорисна помош од неа.
2. Телевизор во боја
Оние кои имаа телевизор во боја организираа филмски вечери за соседите и пријателите. Се гледале филмовите на Брус Ли и Лепа Брена на видео касети.
Купувањето телевизор во боја во Југославија значело откажување од 3 месеци плата...
3. Микробранова печка
Оние што продавале микробранови печки не морале да набавуваат многу од нив, бидејќи имало малку богати Југословени кои можеле да си ги дозволат. А оние кои ги имаа и ги користеа гордо зборуваа за тоа што може да направи овој уред...
© Vecer.mk, правата за текстот се на редакцијата
