Злосторството се случило во 2018 година, а по убиството на Елени, нејзиното семејство доживеало голема душевна болка и тага, објави Балкан Инсајт.
Албанецот, кој тогаш имал 19 години, три часа ја силувал и мачел Елени со друг Грк, а потоа ја однел на изолирано место и жива ја фрлил од карпа во морето. Тие се вратиле на местото на злосторството и се обиделе да го исчистат за да ги прикријат доказите.
Тие се осудени на 15 години затвор.
Родителите, бабата и другите роднини на Елени поднеле жалба до граѓанскиот суд и барале отштета за душевната болка што ја претрпеле.
Судот пресудил дека Албанецот мора да му плати на семејството вкупно 905.000 евра и тоа:
• 240.000 евра на таткото Јоанис
• 240.000 евра на мајка Киријаки
• 200.000 евра на братот
• 100.000 евра на бабата
• 100.000 евра на наследниците на покојниот дедо
• 25.000 евра на чичковците
Поради несоодветно поднесување на тужбата, судот ја отфрлил тужбата против Гркот кој исто така учествувал во силувањето на Елени.
© Vecer.mk, правата за текстот се на редакцијата
