Порашениот претседател на Република Српска, Милорад Додик, во среда се обрати откако САД ги укинаа санкциите против него, заблагодарувајќи му се на американскиот претседател Доналд Трамп за исправката на она што тој го нарекува голема неправда. Тој ја нарече одлуката морална рехабилитација на вистината за Република Српска.
Благодарност до Трамп и критики кон старата администрација
Во објава на социјалните мрежи, Додик му се заблагодари на американскиот претседател Доналд Трамп и неговите соработници за „исправката на големата неправда нанесена врз Република Српска, нејзините претставници и нивните семејства“, која, како што наведува, „ја создадоа администрациите на Обама и Бајден“.
„Одлуката за укинување на санкциите не е само правна, туку и морална рехабилитација на вистината за Република Српска и сите оние кои чесно ѝ служат. Уште еднаш се покажа дека сè што беше кажано против нас беше лага и пропаганда, врз која беше изграден големиот хаос создаден од Кристијан Шмит - хаос што сега мора да се исчисти“, рече Додик.
Порака до оние кои се радуваа
Тој додаде дека на оние кои се радувале во изминатите години и верувале во туѓите лаги може да им се прости сè, „освен годините што ги изгубиле затоа што верувале дека Република Српска ќе падне“.
„Денес е јасно - таа никогаш нема да падне“, рече Додик.
© Vecer.mk, правата за текстот се на редакцијата
