Пожарникарите и полицијата вечерва интервенираат во марината во Будва, каде што избувна пожар на јахта која, според Телеграф, му припаѓа на бизнисменот Брацо Мирановиќ.
Уште две јахти горат во марината во Будва во радиус од петстотини метри.
Пожарот на јахтата на Мирановиќ бил забележан рано навечер, а екипите веднаш излегле на терен.
Заедно со пожарникарите, на местото на настанот е и полицијата, која ја следи ситуацијата и обезбедува безбедност во марината.
Точната причина за пожарот сè уште е непозната, а властите ја продолжуваат истрагата за да ги утврдат сите околности на инцидентот.
Од пристаништето во Будва информираа за „Вијести“ дека нивните екипи ја извлекле јахтата на Мирановиќ од марината и ја извеле на отворено море, за безбедноста на другите пловила.
Раководителот на Службата за заштита и спасување на Будва, Драган Божовиќ, изјави дека седум екипи биле ангажирани во гаснењето на пожарот.
© Vecer.mk, правата за текстот се на редакцијата
