Полицијата во Црна Гора ја опколи зградата во центарот на Подгорица каде што живее братот на Мило Ѓукановиќ, бизнисменот Ацо Ѓукановиќ.
Во истата зграда се наоѓа филијала на Прва банка, чиј сопственик е Ацо Ѓукановиќ.
Инспекторите вршат претрес на имотот на Ѓукановиќ, а повеќе информации ќе бидат познати по завршувањето на операцијата, објавува Вијести.
Да ве потсетиме дека поранешниот претседател и поранешен премиер на Црна Гора, Мило Ѓукановиќ, беше испрашуван од Специјалното државно обвинителство како дел од истрагата покрената против него, бидејќи наводно не пријавил рачни часовници во вредност до 225.000 евра во Агенцијата за спречување на корупција (АКС).
На крајот на ноември 2025 година, Агенцијата за спречување на корупција откри дека Мило Ѓукановиќ наводно криел седум рачни часовници без да ги пријави во своите имотни евиденции во претходните години.
© Vecer.mk, правата за текстот се на редакцијата
