Невидена сцена, за која попрво би рекле дека се случила во Африка, е снимена во нашето соседство, односно во една албанска населба, каде што еден човек се покајал откако посакал да си игра со лавот на својот сосед.
Како што може да се види на видеото што кружи на социјалните мрежи, лавот, очигледно несвесен за својата сила, го зграпчил вратот на соседот посилно за време на играта.
Потоа човекот, обидувајќи се да се спаси од опасната ѕверка, се наведнува, а другите собрани загрижено гледаат што се случува и се плашат за животот на својот сосед. Сепак, сопственикот на ѕверката се појави како спасител, а она што се случи потоа ги остави сите без зборови.
Имено, сопственикот го плеснал лавот по главата обидувајќи се да го спаси својот сосед, и го казнил животното за „непристојно“ однесување, а потоа, како што изгледа, прилично збунетиот лав само се свртел и си заминал.
За среќа, соседот поминал без сериозни повреди и покрај каснувањето, а целата многу необична ситуација завршила без трагични последици.
Сепак, многумина на социјалните мрежи коментираат дека е чудо што една шлаканица успеа да го запре ова егзотично и потенцијално многу смртоносно животно.
© Vecer.mk, правата за текстот се на редакцијата
