Полициската управа на Министерството за внатрешни работи на Тузланскиот кантон објави прелиминарни информации во кои наведува дека 10 лица загинале во пожарот што синоќа зафати дел од Пензионерскиот дом во Тузла.
Меѓу повредените има членови на спасувачките екипи.
„Според прелиминарните информации, 10 лица, жители на Пензионерскиот дом во Тузла, загинале во пожарот, додека околу 20 лица (пожарникари, полицајци, медицински работници, вработени и жители на Пензионерскиот дом) биле згрижени во ЈЗУ УКЦ Тузла.
Телата на жртвите ќе бидат префрлени во Меморијалниот центар за идентификација и обдукција.
„На местото на настанот има истражен тим, додека истрагата ќе се спроведе кога ќе се исполнат условите, со цел да се утврди причината за пожарот и сите други факти од значење за истрагата“, беше потврдено за „Аваз“.
© Vecer.mk, правата за текстот се на редакцијата
