Бугарија повеќе нема да испорачува оружје на Украина, изјави новиот министер за одбрана Димитар Стојанов при претставувањето на приоритетите на неговиот кабинет.
Стојанов оцени дека конфликтот влегол во фаза на позициона војна и дека натамошното вооружување нема да донесе решение.
– Гледаме позициска војна и без оглед на тоа колку оружје е акумулирано, единственото нешто што се постигнува е загуба на човечки животи – изјави Стојанов.
Според бугарскиот министер, време е завојуваните страни да седнат на преговарачка маса и да работат на постигнување праведен мир.
Тој нагласи дека Европската Унија има исклучително важна улога во евентуалниот мировен процес.
– На Украина ѝ требаат повеќе луѓе, а не повеќе оружје. Има доволно оружје, па затоа не мислиме дека ќе обезбедиме повеќе оружје за украинската армија – рече Стојанов.
Овој потег го зацврстува противењето на новата бугарска влада на поддршката на Европската Унија за Украина, откако прорускиот премиер Румен Радев победи со убедлива победа на парламентарните избори во април. Бугарија испрати 13 пакети воена помош во Киев од почетокот на целосната руска инвазија во 2022 година, но Радев ја опиша борбата на Украина како „осудена на пропаст“, објави Политико.
„Веќе јасно ставивме до знаење дека војната во Украина нема да се реши на бојното поле. Сведоци сме на војна на исцрпување и, без разлика колку оружје е акумулирано, единствениот резултат е губење на човечки животи. Време е да седнеме на преговарачка маса“, рече Стојанов на денешната прес-конференција.
Радев, поранешен воен пилот, се повика на своето воено искуство тврдејќи дека Украина треба да преговара за мир со Русија, а во мај предложи ЕУ да ги води мировните преговори.
Иако новата влада на земјата зазеде попријателски став кон Кремљ, таа се воздржа од отворена конфронтација со Брисел околу Украина, затоа што Бугарија е најсиромашната земја од ЕУ и во голема мера зависи од европските фондови.
Покрај суспендирањето на помошта за Украина, Стојанов го презентираше планот на владата за зголемување на трошоците за одбрана на Бугарија на пет проценти од БДП, како што бараше НАТО, како што претходно вети Радев.
© Vecer.mk, правата за текстот се на редакцијата
