Цените на патарините во Србија се зголемени и важат само за патнички возила, а објавата е поместена во Службен весник.
Известувањето за ова не беше видливо прикажано на веб-страницата на ЈКП „Патишта на Србија“, па затоа многу возачи кои тргнаа на пат на првиот ден од новата година беа изненадени, јавија денеска српските медиуми.
На веб-страницата има ценовник за патарините.
Во ценовникот со наслов „Посебна такса за користење на патарина“ е наведено дека важи од 1 јануари во 7 часот наутро. Патарината од Врање до Белград за патнички возила сега чини 1.850 динари.
На сајтот може да се пребаруваат сите цени на патарина, вклучително и за мотоцикли, патнички автомобили и камиони со приколки.
Цената на патарините последен пат беше коригирана на 4 јули 2025 година.
© Vecer.mk, правата за текстот се на редакцијата
