Унгарскиот премиер ги прими вршителката на должноста претседателка на Република Српска Ана Тришиќ Бабиќ и нејзиниот партиски лидер Милорад Додик
Унгарскиот премиер Виктор Орбан по средбата со вршителката на должноста претседателка на Република Српска Ана Тришиќ Бабиќ и претседателот на СНСД Милорад Додик истакна дека секогаш му е задоволство да разговара со своите пријатели.
- Секогаш е задоволство да се продолжи разговорот со пријателите - напиша Орбан на X.
Поранешниот претседател на Република Српска и шеф на СНСД Милорад Додик изјави во саботата дека унгарскиот премиер Виктор Орбан претставува лидер кој „ја разбира важноста на мирот, стабилноста и суверенитетот“, оценувајќи дека нивното партнерство се темели на меѓусебно почитување и заедничка визија за Европа.
Во објава на платформата X, Додик изјави дека разговорите со Орбан значат соработка со лидерот кој, како што рече, води независна политика и покрај притисоците и ужива силна поддршка од граѓаните во Унгарија и низ цела Европа.
- Нашето пријателство не е протокол - тоа е изградено врз меѓусебно почитување, искреност и заеднички поглед на Европа на иднината - напиша Додик.
Додик неодамна го посети Тел Авив со Тришиќ Бабиќ, по што реагираше Министерството за надворешни работи на Босна и Херцеговина.
© Vecer.mk, правата за текстот се на редакцијата
