Антонио Милошоски од ВМРО-ДПМНЕ напоменува дека владата подготвува уште стотина свои обвинители и судии да ги бутне преку ред на тестирањето кое треба да се одржи на 22 јануари 2024 година.
- Скандалот со М-НАВ уште еднаш покажа дека оние кои незаслужено станале обвинители и судии се тие кои ја рушат довербата во правосудството. Загрижувачки е што владата на ДУИ и СДСМ спрема уште стотина такви.
Имено, на 22-ри јануари се полага главниот квалификациски тест за 130 слушатели во Академијата за судии и јавни обвинители (АСЈО). Но, за да може оние од списоците на ДУИ & СДСМ да поминат со максимум бодови, владата донела заклучок квалификацискиот тест да се полага писмено, наместо електронски.
Ова е спротивно на членот 39 од Законот за Академија за судии и јавни обвинители каде изрично е наведено дека квалификацискиот тест се полага по електронски пат, а се со цел да не може некој од Управниот одбор на АСЈО да им ги доодговори прашањата на владините фаворити за судии и обвинители.
Владата се брза да протне уште 100-тина свои обвинители и судии, бидејќи знае дека е во заминување.
Но, Директорката на АСЈО, Габер, како и членовите на Управниот одбор треба сериозно да размислат дали ќе постапуваат по заклучокот на владата или ќе ги почитуваат законските обврски за полагањето на квалификацискиот тест. Како поука може да им биде случајот на Мухамед Зеќири, кој како генерален секртар на владата предност им даваше на владините заклучоци, наместо на законските норми, но потоа не заврши славно.
© Vecer.mk, правата за текстот се на редакцијата
