На германските бензински пумпи почна да се продава нов тип на дизел, HVO100. Пумпи за ова гориво веќе постојат во голем број европски земји, меѓу другите во Белгија, Данска, Финска, Естонија, Латвија, Литванија, Холандија, Норвешка и Шведска.
Што е HVO100?
HVO100 е хидрирано растително масло кое го исполнува европскиот стандард за квалитет EN 15940 за парафински дизел. Има поголем цетански број (c80) од стандардниот дизел и помала содржина на сулфур и ароматични соединенија.
Се произведува од растително масло или суровини базирани на отпад (како, на пример, масло за јадење).
Кои автомобили можат да го користат овој дизел?
Не сите автомобили се погодни за нови горива. Дали вашето возило може да го користи новото гориво зависи од одобрението на производителот за конкретниот модел.
Можете да најдете кој дизел е погоден за вашиот автомобил, на пример, на капачето на резервоарот и во упатството за употреба.
Кои се предностите на ова дизел гориво?
Предностите за потрошувачот лежат првенствено во способноста да се вози на поеколошки начин.
Сè на сè, новите дизел горива предизвикуваат до 90 проценти помалку емисии на CO2, според ADAC.
И колку чини?
Одлуката да се префрли на HVO100 носи повисоки трошоци: разликата во цената кај пумпите изнесува 15 до 20 центи за литар гориво.
Потрошувачката на овие горива би можела да биде малку поголема од онаа на конвенционалниот дизел, пишуваат германските медиуми.
© Vecer.mk, правата за текстот се на редакцијата
