Фудбалерите на Челзи доживеаја вистинска шлаканица од големиот градски ривал Арсенал. „Сините“ примија дури пет гола и го доживеаја најболниот пораз откако на клупата беше Маурисио Покетино. Сепак, тој не се согласува дека е срамота да се изгуби на овој начин.
„Срамoта? Не е фер на овој начин да се опишуваат нашите играчи. Не сакам да ја обвинувам екипата. Не можеме да ги обвиниме играчите кои дојдоа после бројни тешки околности и да се борат против тим кој се бори за титулата во Премиер-лига“, рече Покетино.
Тој ја „буцка“ и администрацијата дека мора да направи одредени промени.
“Ако сакаме да бидеме во подобра позиција следната сезона, тогаш треба да донесеме важни одлуки. Европа? Тешко е да се гледа иднината, разочарани сме по таков пораз. Ако се натпреваруваме како во саботата против Манчестер Сити, тогаш имаме со што да се гордееме, се надеваме дека ако играме како против Арсенал, не заслужуваме да се пласираме во Европа“, заклучи Покетино.
На Челзи сега му претстојат уште два тешки натпревари, против Астон Вила во Бирмингем, а потоа го пречекува Тотенхем во уште едно градско дерби.
