<span lang="MK" style="mso-ansi-language:MK">Германскиот
производител на оружје Рајнметал планира да изгради нова фабрика во Литванија
за производство на артилериски гранати од 155 милиметри.</span>
<span lang="MK" style="mso-ansi-language:MK">Германскиот
производител на муниција и владата на балтичката држава, која е членка на ЕУ и
НАТО, во вторникот потпишаа меморандум за разбирање во присуство на литванската
премиерка Ингрида Шимонте. Детали за договорот не се објавени.</span>
<span lang="MK" style="mso-ansi-language:MK">Инвестицијата на
Рајнметал ќе биде најголема во одбранбениот сектор на Литванија досега и една
од најголемите во историјата на земјата. „Ова ќе ја зајакне нашата индустрија,
нашата економија и безбедноста на нашиот регион. Подготвени сме да продолжиме
да работиме со компанијата за да се осигураме дека оваа успешна приказна брзо
се движи напред“, рече Шимонте.</span>
<span lang="MK" style="mso-ansi-language:MK">Според неа,
наскоро се очекува да започнат преговорите за договорот за инвестирање.
Литванскиот министер за одбрана Лауринас Кашчиунас нагласи дека производството
на муниција во земјата е една од лекциите од војната во Украина. „Независноста
од глобалните синџири на снабдување и производството овде во Литванија е
составен дел на националната безбедност и одбрана“, рече министерот.</span>
<span lang="MK" style="mso-ansi-language:MK">Рајнметал ги
потврди плановите за изградба на артилериска фабрика во Литванија во средината
на март на својата годишна прес-конференција за 2023 година. Оклопната бригада
на германските вооружени сили, Бундесверот, исто така, во суштина ќе биде
постојано стационирана во балтичката држава. Тоа е првпат по Втората светска
војна германски војници да бидат распоредени на територија на странска земја.</span>