<span lang="MK" style="mso-ansi-language:MK">Во земјава
денеска е молк, пред утрешните седми претседателски избори. Молкот завршува на
24 април во 19 часот, кога се затвораат избирачките места. Годинава поради тоа
што се одржуваат двојни избори, за време на молкот за претседателските избори,
нема прекин на кампањата за парламентарните избори закажани за 8 мај.</span>
<span lang="MK" style="mso-ansi-language:MK">Вообичаено
денеска, на ден пред изборите, гласање за претседателските избори се спроведува
за болните и изнемоштените, затворениците во Казнено-поправните домови и лицата
во притвор, во старските домови и нашите државјани во странство.</span>
<span lang="MK" style="mso-ansi-language:MK">Гласањето за
претседател почна со 191 член на избирачките одбори во саботата кои отпатуваа
да го спрповедат гласањето во дијаспората. Во дипломатските претставништва и
конзуларни канцеларии денеска од 7 до 19 часот по локално време, врз основа на
прифатените 2.571 пријави на наши државјани, гласање треба да се спроведе во
Абу Даби каде се пријавени 26 наши државјани за гласање, во Белград-31,
Берлин-260, Берн – 186, Бон – 164, Брисел -93, Вашингтон-34, Венеција – 79,
Виена – 123, Детроит-34, Загреб-87, Канбера-31, Копехаген-74, Лондон-87,
Љубљана-332, Минхен-166, Мелбурн-64, Њујорк-85, Осло-41, Париз-44, Прага-52,
Рим-30, Стокхолм-85, Торонто-117, Хаг-65, Чикаго-88, Анкара-18, Варшава-23,
Мадрид-18, Пекинг-12 и Софија 22.</span>
<span lang="MK" style="mso-ansi-language:MK">Другите наши
граѓани кои живеат во странство, своето право на глас можат да го остварат во
избирачките места во земјата, согласно адресата во личните документи.</span>
<span lang="MK" style="mso-ansi-language:MK">Резултатите од
денешното гласање ќе се знае утре, заедно со резултатите од гласањето во
земјата.</span>
<span lang="MK" style="mso-ansi-language:MK">Право на глас на
седмите претседателски избори имаат 1.814.317 избирачи. Избирачките места се
отвораат во 7 часот, а гласањето трае до 19 часот. Се гласа на 3480 избирачки
места во целата земја.</span>