Како што објави „Киевпост“, тој истакна дека не може со сигурност да каже кога тоа ќе се случи, имајќи предвид дека во неколку наврати се одложува датумот на испорака на првите американски борбени авиони во Киев.
„Доставата се очекува по Велигден, би сакале да ги добиеме што е можно поскоро и да објавиме дека пристигнале“, изјави Јевлаш.
Тој потврди дека украинските пилоти се обучуваат на овие авиони во Данска и во САД. Според портпаролот на украинските воздухопловни сили, веќе се преземени мерки за да се осигура дека авионите се безбедни откако ќе бидат испорачани во Украина.
„За тоа, најпрво е неопходно правилно да се подготви базата за нив. Ова вклучува колосални трошоци, вклучувајќи подземни засолништа и бункери. Затоа, во моментов се развиваат методи за тоа како точно може да се сместат“, рече Јевлаш.
Тој посочи дека по добивањето на авионите Ф-16, вооружените сили на Украина ќе можат да изведат различни операции за одбивање руски воздушни напади и нанесување штета на непријателот. Поточно, 16 борбени авиони ќе бидат распоредени на различни типови на аеродроми, што ќе им отежне на Русите да ги откријат украинските авиони. Ќе се користат различни методи за да се измами непријателот.
First Batch of F-16s to Arrive in Ukraine After Easter, Says Ukrainian Air Force Spokesperson
— KyivPost (@KyivPost) May 1, 2024
He provided no further details on the long-awaited deliveries and said the supplies of F-16s “is a question for the highest military-political leadership.”https://t.co/6ZJTmrx4ZW
Во март годинава, холандската министерка за одбрана Кајса Олонгрен изјави дека првата пратка авиони Ф-16 ќе ѝ биде испорачана на Украина од Данска ова лето. Ова го потврди Дмитро Кулеба, шеф на украинската дипломатија.
Минатата есен, Јенс Столтенберг, генералниот секретар на НАТО, изјави дека испораката на авиони Ф-16 сигурно ќе ги зголеми воените капацитети на Украина, но дека тоа нема да биде „сребрен куршум“ кој драстично ќе ја промени ситуацијата на фронтот.
F-16s will not become a “silver bullet” for the Ukrainian Armed Forces in the war with Russia - NATO Secretary General Jens Stoltenberg.
— S p r i n t e r F a c t o r y (@Sprinterfactory) April 5, 2024
“The fact that NATO allies are supplying the F-16, as well as training pilots and providing weapons for the F-16, is another example of… pic.twitter.com/JvMKwFPYfj
Се огласи и Дмитриј Песков, портпаролот на Кремљ, кој рече дека испораката на авионите Ф-16 нема да го промени исходот од конфликтот и дека руската армија ќе ги уништи, како и другите украински оружја.
