Дева Касел, 16-годишната ќерка на Моника Белучи (56) и Венсан Касел (54), се појави на насловната страница на француското издание на магазинот „Eл“.
Славната италијанска актерка не крие колку е горда на својата ќерка, па насловната страница на која се појавува Дева ја објави и на својот инстаграм-профил.
„Уште една прекрасна насловна страница оваа недела за мојата Дева – напиша Моника под фотографијата.
На Дева многумина ѝ предвидуваат успешна кариера на модел, а славното дизајнерско дуо „Долче и Габана“ ја прогласи за своја муза.
Дева има уште една насловна страница за престижното модно списание, чие издание го красеше во октомври 2020 година.
Поранешните сопружници Моника и Венсан од својот брак покрај Дева ја имаат и помладата ќерка Леона.
