Џон Дејвис, еден од пејачите на најпопуларниот двоец од 80-те „Мили Ванили“ починал неделава како последица од коронавирус на 66-годишна возраст, соопшти неговото семејство.
Дејвис починал во понеделникот во Германија, каде долго живеел и настапувал, соопшти неговата ќерка Џезмин Дејвис.
На Дејвис му ги препишуваа придружните вокали, но всушност тој бил водечкиот пејач на албумите на „Мили Ванили“.
Фабрис Морван и Роб Пилатус во 1989 година освоија Греми награда за најдобар нов уметник.
Кога било откриено дека ниту еден од нив не пеел на плочите „Мили Ванили“, на групата и била одземена наградата, а подоцна бендот се растурил.
