Тина Тарнер и официјално објави дека ја завршува кариерата, а со публиката ќе се прости преку новиот документарен филм за својот живот кој треба да се емитува на крајот од месецов. Тина на сцената повеќе од шест децении, а сега во 81. година од животот решила да се повлече и да се прости од своите фанови.
За да и се оддложи на публиката за ХБО снимила документарец во кој ќе ја раскаже својата животна приказна, и тој всушност е нејзиното последно обраќање до јавноста.
Во филмот таа зборува дека сака да влезе во последното поглавје од својот живот - без рефлектори. Во докуменарецот направен е и осврт на нејзината младост исполнета со тага и болка, потоа на љубовта и глобалната слава која ја стекнала во зрели години. Филмот открива и дека патела од посттрауматски стрес заради насилството кое го трпела во бракот со Ајк Тарнер.
Филмот „Тина“ е направен од архивски материјал, стари снимки и освен сјајот на славата и музиката, ја покажува и мрачната страна на нејзиниот живот.
Тина Тарнер е родена како Ана Меј Було, а кариерата ја почнува на 19 години, во 1958 како пејачка и придружен вокал во „Кралеви на ритамот“ заедно со Ајк Тарнер. Со него беше во брал од 1962 до 1978 година.
