Без разлика што располага со огромно богатство, Парис Хилтон составила листа на подароци што сака да ги добие од гостите што ќе ги покани на својата венчавка, чиј датум се ближи.
Сепак, и овие подароци ќе мораат да го задоволат нејзиниот истанчен вкус, па така на листата има подароци вредни повеќе од 50.000 евра. Помеѓу другото, на списокот има кристални предмети за домот, сребрена рамка за слики „Бучелати“, која вреди повеќе од 2.600 евра, потоа скапоцен свеќник во форма на светилка што чини околу 1.000 евра, како и кристална фигура од мечка, вредна повеќе од 3.000 евра.
Богатата наследничка својата кујна сака да ја опреми и со послужавник од ореви вреден 800 евра, со кристален сад за кавијар кој чини 850 евра, како и со чаша за шампањ „Бакарат“, вредна повеќе од 800 евра.
На листата на Парис исто така се нашле и осум „Хермес“ комплети на садови Mosaique Au 24 Platinium, кои вкупно вредат повеќе од 6.000 евра!
