После 12 студиски албуми и две винил изданија, прославувајќи ја 20-годишната кариера, бендот "Љубојна" повторно се ребрендира, одржувајќи го својот курс во популарната музика. Овој пат со новата песна "Јас и ти" на Вера Милошевска, со којаВера, со голем успех навлегува и во кантавторските води.
Новиот сингл носи ведрина на латино клаве ритам, воздишки на летни љубови и мириси на липи и жешки калдрми. Музиката и текстот за „Јас и ти“ се на Вера Милошевска, аранжманот е со потписот на Оливер Јосифовски, а продуцент е Мите Димовски студио "Тра ла ла".
Песната е веќе пуштена во етерот, а наскоро за истата би требало да биде снимен и спот.