Песната „Месечина“стана голем хит по целиот Балкан, веднаш штом се појави, а нејзината популарност воопшто нема опаднато со тек на годините.
Речиси и да не постои веселба на овие простори, а оваа песна да не е задолжителна во репертоарот.
Сепак, иако „Месечина“ стана хит откако ја изведе музичарот Горан Бреговиќ, многумина ќе бидат изненадени од фактот дека тој не ја напишал.
Имено, автор на оваа песна е драмскиот писател и голем поет, Душан Ковачевиќ.
- Ја напишав „Месечина“ во Прага за време на снимањето на филмот „Подземје“. Замислена е како химна на луѓето што живеат во тој подрум. Песната е подолга, а Брега го зеде само првиот дел. Се сеќавам дека тој имаше музика од Шабан Бајрамовиќ, па ја направи таа песна. Морам да кажам дека „Месечина“ е светски хит. Знам од авторските права што ги добивам од целиот свет. Долги години беше хит и во Франција - откри Ковачевиќ.
https://youtu.be/JNtTJTJY6c4
