Дваесет и четиригодишниот Момир Луковац, натпреварувач во тековната сезона на музичкото шоу „Ѕвездите на Гранд“ вчера го загубил животот. Тажната вест први ја споделија од Здружението на поп-уметници на Црна Гора.

Тажната вест неофицијално за „Блиц“ ја потврдија неколку колеги на пејачот. Сепак, засега нема информации за причината за смртта.

– Сонце мое, што направи од себе? Се гордеам што те познавав, што беше другар, колега, пријател и брат.. Прерано не’ напушти. Срцето ме боли, нема никогаш да те заборавиме, се само дел од зборовите напишани на социјалните мрежи.

Момир последен пат и се претстави на јавноста во емисија што се емитуваше во февруари оваа година.Тогаш ги отпеал песните „Проколната виолина“ од Саша Матиќ и „Таа да ме сакаше“.