Американската пејачка Шер (76) признала дека разбира оти на другите им изгледа чудна врската со 40 години помладиот Александар Едвардс (36), но нагласила дека и двајцата се возрасни, а љубовта не знае математика.
На својот Твитер-профил таа сподели фотографија од него на која тој е без маица и напиша: „Ова на другите им изгледа чудно, па дури и мене, но љубовта не знае за математика“.
Таа откри и дека се „бакнуваат како тинејџери“ откако еден обожавател праша кои се неговите најдобри квалитети.
„Тој е љубезен, паметен, смешен и се бакнуваме како тинејџери“, напиша пејачката за Едвардс, со кој се забавува речиси два месеци, откако го запозна за време на модната недела во Париз.
Инаку, Шер двапати се разведуваше и го има синот Чез Боун (53) со нејзиниот покоен поранешен сопруг Сони Боун и Елајџа Блу Алман (46) со нејзиниот покоен поранешен сопруг Грег Алман.
