После подолга музичка пауза Соња Тарчуловска се враќа на сцената, и тоа благодарение на ќерка и Мелани, која и напиша нова песна.
Пејачката која јавноста ја памети по хитовите „Ден по ден“, „Во бело“, „Добре дојде“, „Предавници и јунаци“… се враќа со темата насловена „Со црвено“, која и музички и визуелно е сосема поразлична од она што Соња Тарчуловска досега го пеела.
Истата е авторско дело на нејзината наследничка, ќерката Мелани која патем заедно со Сара Пројковска се погрижи и за придружните вокали. „Со црвено“ е во модерен танцувачки ритам , со мелодиска линија која многу повеќе наликува на современите поп хитови отколку на класична фолк песна, како оние, по кои ја паметиме Тарчуловска.
Видеото е со потписот на „Томато продукција“, а како се звучи и изгледа, погледнете во продолжение: