Агни Авшар е ново име на домашната сцена за кое пошироката публика допрва ќе чуе, особено сега откако во јавноста ја пушти својата прва песна насловена „Сознавам“. Како автор на музиката и аранжманот се потпишува Никола Мицевски, додека пак текстот е на Бети Јанковиќ и Рената Кралевска.
- „Сознавам“ е песна со автобиографски карактер која преку симболичен артистички израз илустрира животна приказна на млад човек кој попатно застранува, но со решителност и стремеж зачекорува во правец на духовно осознавање. Ова музичко дело, од идеја до реализација, е креативен плод на мојата духовна учителка Бети Јанковиќ. Бескрајно сум благодарна на честа да бидам вокален интерпретатор на оваа композиција и се надевам дека истата ќе ги инспирира слушателите и ќе иницира чувства на ентузијазам, оптимизам и верба во себе - вели прекрасната Агни.
Спотот е снимен на неколку локации низ Македонија, а како режисер се потпишува познатиот Дарио Јанковиќ. Покрај фасцинантните кадри во него, специфичната костимографија, во видеото се појавува и еден од најпознатите светски диџеи - DJ TALAMASCA.
[embed]https://www.youtube.com/watch?v=E1LUBUyPfNo[/embed]