Актерката Хелен МекКрори почина од последиците од рак со кој се бореше веќе некое време. Таа имаше само 52 години, а веста за нејзината смрт ја потврди нејзиниот сопруг, Дамјан Луис.
“Срцето ми се крши што морам да ги известам сите дека по херојската битка со ракот, почина моќната и убава жена Хелен МекКрори. Почина мирно дома, опкружена со љубовта на семејството и пријателите”, напиша Луис на Твитер.
“Таа почина како што живееше – без страв. Ние сме навистина среќни што ја имавме во нашите животи”, додаде тој.
Хелен МекКрори се прослави со улогите како Нарциса Малфој во филмовите за Хари Потер и Поли Греј во серијата „Peaky Blinders“. Во текот на нејзината богата кариера, таа доби пофалби и награди за нејзините улоги.
Нејзините многу колеги, пријатели и обожаватели се збогуваат со неа на социјалните мрежи, а на семејствата им беше порачано да бидат силни во овие тешки моменти.
