Како што се приближува движењето #FreeBritney кон реалност, Бритни Спирс на Инстаграм ги открила своите стравови во врска со животот откако 13 години ги поминала под контрола на другите кои имале позиција на нејзините законски старатели, особено нејзиниот татко.

Пејачката им се обратила на фановите на Инстаграм и рекла дека е благодарна што конечно е во позицијата која се наоѓа, но има некои грижи. Имено, стравува од “папрацо лудницата” како што било и претходно и дека секоја нејзина грешка ќе заврши на насловните страни.

“Ќе бидам искрена и ќе кажам дека толку долго чекав да се ослободам од ситуацијата во која се наоѓам, а сега кога е реалност, страв ми е да направам било што, бидејќи се плашам дека ќе погрешам. Работев напорно, а сега кога сѐ се ближи кон крајот, јас сум многу среќна, но има многу работи кои ме плашат”, рекла Бритни.

Во септември, таткото на пејачката, Џејми Спирс бил суспендиран од позицијата старател врз нејзините имоти. Закажано е уште едно рочиште на 12 ноември со кое ќе се утврди дали тоа навистина ќе се случи.