Но, по само една ноќ ВИП третман, работите тргнале надолу и му била одземена пропусницата.
Вилсон се присетил што се случило за време на гостувањето во шоуто на Џејмс Корден The Late Late Show.
„Отидов да ги видам Ролинг Стоунс во Аргентина и се дружев со некои од бендот, а еден мој пријател беше навистина добар пријател со Мик Џегер. И добивме по една од оние пропусници што ќе можеме да ги користиме до крајот на нашите животи“, рече Вилсон.
Актерот, кој е доживотен обожавател на легендарниот бенд, истакнал дека бил многу возбуден што ја добил пропусницата неколку години откако присуствувал на една од нивните шоуа во 1980 година, што бил негов прв концерт. Тој додаде дека бил толку заинтригиран што сакал да проба колку е навистина „сеопфатен“ подарокот.
„Помислив: „Ќе одам овде и ќе видам дали некој ќе ме спречи“. Никој не би ме спречил никаде. Завршив токму таму каде што можев да погледнам и да го видам Мик Џегер на сцената. Одеднаш, тој трача, за време на Џампин Џек Флеш, и трча надолу, а се испостави дека сум бил на сцената. Така, некако се замрзнав и се обидов да бидам невидлив, а потоа некој трчаше викајќи: „Тргни се одовде! Не треба да бидеш овде!“ - рече Вилсон.
Откако се извинил, Вилсон се присетил дека си легнал таа вечер мислејќи: „О Боже мој, тоа беше непријатно искуство“.
„И потоа следното утро безбедносниот тим на Мик ме викна: „Дали ја имаш таа пропусница? „Да, сè уште ја имам“. „Добро, ќе дојдеме да ти ја земеме“, раскажува актерот на кој му била одземена пропусницата по „само 24 часа“. „Разбирам - мора да направи претстава, не му треба некоја будала која само се врти и го одвлекува вниманието“, заклучил актерот.
